வைகை, குருவாயூர் எக்ஸ்பிரஸ் ரெயில்களின் வழித்தடங்கள் நாளை முதல் மாற்றம்

Asia Cup 2018 Live Streaming

பிறப்பு : - இறப்பு :

தெற்கு ரெயில்வே நேற்று வெளியிட்டுள்ள செய்திக்குறிப்பில் கூறப்பட்டிருப்பதாவது:-

விருத்தாச்சலம்-விழுப்புரம் இரட்டை ரெயில் பாதை அமைக்கும் பணி நடந்து வருகிறது. இதில் விருத்தாச்சலம்-திருவெண்ணெய்நல்லூர் இடையேயான பகுதியில் பராமரிப்பு பணி நடைபெற உள்ளது. இதனைத்தொடர்ந்து ரெயில் சேவையில் செய்யப்பட்டுள்ள மாற்றங்கள் வருமாறு:-

மதுரையில் இருந்து விழுப்புரத்திற்கு இருமார்க்கமாகவும் இயக்கப்படும் பயணிகள் ரெயில் (வண்டி எண்: 56706/56705), நாளை (சனிக்கிழமை) முதல் நவம்பர் 5-ந்தேதி வரை திருச்சி-விழுப்புரம் இடையே தற்காலிகமாக ரத்து செய்யப்படுகிறது.

மும்பையில் இருந்து மதுரைக்கு இயக்கப்படும் லோக்மான்யாதிலக் – மதுரை வாராந்திர எக்ஸ்பிரஸ் ரெயில் (11043), நாளை விழுப்புரம், கடலூர் போர்ட் ஜங்ஷன், விருத்தாச்சலம் வழியாக இயக்கப்படும். அதேபோல, மறுமார்க்கத்தில் மதுரை – லோக்மான்யாதிலக் (11044) எக்ஸ்பிரஸ் ரெயில், நாளை விருத்தாச்சலம், கடலூர் போர்ட் ஜங்ஷன், விழுப்புரம் வழியாக இயக்கப்படும்.

நாகர்கோவிலில் இருந்து மும்பைக்கு இயக்கப்படும் நாகர்கோவில் – மும்பை சி.எஸ்.டி வாரம் இருமுறை எக்ஸ்பிரஸ் ரெயில் (16352), நவம்பர் 1-ந்தேதியன்று விருதாச்சலம், கடலூர் போர்ட் ஜங்ஷன், விழுப்புரம் வழியாகவும், நவம்பர் 5-ந்தேதி திருச்சி, மயிலாடுதுறை, விழுப்புரம் வழியாகவும் இயக்கப்படும்.

சென்னை எழும்பூரில் இருந்து கேரளாவுக்கு இயக்கப்படும் குருவாயூர் எக்ஸ்பிரஸ் ரெயில் (16127), நவம்பர் 2-ந்தேதி விழுப்புரம், கடலூர் போர்ட் ஜங்ஷன், விருத்தாச்சலம் வழியாக இயக்கப்படும். இந்த ரெயில் நவம்பர் 3-ந்தேதி முதல் 5-ந்தேதி வரையிலான நாட்களில் விழுப்புரம், மயிலாடுதுறை, திருச்சி வழியாக இயக்கப்படும்.

மதுரையில் இருந்து சென்னைக்கு இயக்கப்படும் வைகை எக்ஸ்பிரஸ் ரெயில் (12636), நவம்பர் 2-ந்தேதி விருத்தாச்சலம், கடலூர் போர்ட் ஜங்ஷன், விழுப்புரம் வழியாகவும், 3-ந்தேதி முதல் 5-ந்தேதி வரையில் திருச்சி, மயிலாடுதுறை, விழுப்புரம் வழியாகவும் இயக்கப்படும்.

இவ்வாறு அதில் குறிப்பிடப்பட்டுள்ளது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit