சர்வதேச அளவில் பட்டையைக் கிளப்பும் தளபதி… உலக அளவில் சிறந்த நடிகருக்கான விருது

பிறப்பு : - இறப்பு :

மெர்சல் படத்தில் நடித்ததற்காக விஜய் சர்வதேச அளவில் சிறந்த நடிகராக தேர்வு செய்யப்பட்டுள்ளார். அட்லி இயக்கத்தில் விஜய் அப்பா, மகன்கள் என்று 3 வேடங்களில் நடித்த படம் மெர்சல். இந்நிலையில் மெர்சல் படத்தில் சிறப்பான நடிப்பை வெளிப்படுத்தியதற்காக சர்வதேச அளவில் வழங்கப்படும் ஐஏஆர்ஏ விருதுகளுக்கு விஜய்யின் பெயர் பரிந்துரை செய்யப்பட்டது.

சிறந்த நடிகர் பிரிவில் விஜய்யுடன், டேவிட் டென்னன்ட்(டான் ஜுவான் இன் சோஹோ), ஜான் பொயேகா(ஸ்டார் வார்ஸ்: தி லாஸ்ட் ஜெடி), கிறிஸ் அட்டோ(ஸ்விங்), ஜாக் பெர்ரி ஜோன்ஸ்(பாங்), டேனியல் கலுயா(கெட் அவுட்), ஜாக் மோரிஸ் (ஈன்ஸ்ட்என்டர்ஸ்), ஜேமி லோமாஸ் (ஹோலிஓக்ஸ்) ஆகியோரின் பெயர்களும் பரிந்துரைக்கப்பட்டது.

மெர்சல் படத்தில் சிறப்பாக நடித்ததற்காக சிறந்த நடிகருக்கான விருதுக்கு விஜய் தேர்வு செய்யப்பட்டுள்ளதாக ஐஏஆர்ஏ அதிகாரப்பூர்வ அறிவிப்பு வெளியிட்டு அவரை வாழ்த்தி ட்வீட் போட்டுள்ளது.

சர்வதேச அளவில் விஜய்க்கு கிடைத்துள்ள கவுரவத்தை பார்த்து அவரின் ரசிகர்கள் பெரு மகிழ்ச்சி அடைந்துள்ளனர். விஜய்யை வாழ்த்தி ட்விட்டரில் ஏகப்பட்ட ட்வீட்டுகள் போட்டுக் கொண்டிருக்கிறார்கள். பிற நடிகர்களின் ரசிகர்களும் விஜய்க்கு வாழ்த்து தெரிவித்துள்ளனர்.

தளபதி ரசிகனாக இருப்பதில் பெருமை. விஜய் எப்பொழுதுமே மாஸ் என்று அவரின் ரசிகர்கள் பெருமைபட்டுக் கொண்டிருக்கிறார்கள்.

ஐஏஆர்ஏ விருதுக்கு பரிந்துரை செய்யப்பட்ட ஒரே தமிழ் நடிகர் விஜய் தான். பரிந்துரை செய்யப்பட்ட பெருமையுடன் நின்றுவிடாமல் விருதை வென்று தமிழர்களை பெருமை அடைய வைத்துள்ளார்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit