செம்மரக் கட்டைகளை கடத்தியதாக தமிழ்நாட்டைச் சேர்ந்த 10 பேர் ஆந்திராவில் கைது!

பிறப்பு : - இறப்பு :

ஆந்திர மாநிலம் கனுமல்பள்ளியில் செம்மரக்கட்டைகளை கடத்தியதாக தமிழ்நாட்டைச் சேர்ந்த 10 பேரைக் கைது செய்துள்ளனர்.

செம்மரக்கட்டை கடத்தல் தடுப்புப் பிரிவு போலீஸார் நேற்று கடப்பாவில் உள்ள கனுமல்பள்ளியில் வாகனச் சோதனையில் ஈடுபட்டனர். அப்போது டேங்கர் லாரி ஒன்றில் மறைத்து வைக்கப்பட்டிருந்த 93 மரக்கட்டைகளைக் கைப்பற்றினர். அதில் தமிழ்நாட்டைச் சேர்ந்த 6 பேர் கைது செய்யப்பட்டனர்.

சிறிது நேரம் கழித்து அதே வழியில் வந்த கார் ஒன்றில் 10 செம்மரக்கட்டைகளை கடத்திய 3 பேரைக் கைது செய்தனர். கைப்பற்றப்பட்ட இந்த செம்மரக்கட்டைகளின் மதிப்பு சுமார் 1 கோடி இருக்கும் என போலீஸார் தெரிவித்துள்ளனர்.

இந்நிலையில், மாலை 5.30 மணியளவில் அங்கு மரம் அறுக்க வந்த தமிழ்நாட்டை சேர்ந்த ஒருவரைக் கைது செய்தனர். காட்டில் பதுங்கியிருந்த அவரின் கூட்டாளிகளை கைது செய்ய முற்பட்ட போது அங்கிருந்து அவர்கள் தப்பிச்சென்றுவிட்டனர்.

இருப்பினும் அன்பு என்ற ஒருவர் அவர்களிடம் பிடிப்பட்டுள்ளார். அவர் கொடுத்த தகவலின்படி, ஆந்திராவைச் சேர்ந்த ராஜதுரை என்ற காவலரின் உதவியுடனே இவர்கள் செம்மரங்களை வெட்டி வருவதாக தகவல் வெளியாகியுள்ளது.

இதையடுத்து, அந்தக் காவலர் குறித்து விசாரணை நடந்து வருகிறது. கைது செய்யப்பட்ட அனைவரும் ஜவ்வாது மலையைச் சேர்ந்தவர்கள் என்பது குறிப்பிடத்தக்கது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit