பயிற்சியை முடித்த முதல் பெண் போர் விமானிகள்

பிறப்பு : - இறப்பு :

இந்திய விமானப்படை வரலாற்றில் முதல் பெண் போர் விமானிகள் என்ற பெயரை பெற்ற 3 பேர், கர்நாடகாவில் உள்ள பிதார் விமானப்படை தளத்தில் ஜெட் பயிற்சியை முடித்துள்ளனர்.

இந்திய பெண் போர் விமானிகளான அவானி சதுர்வேதி, மோகனா சிங் மற்றும் பாவ்னா கந்த் ஆகியோர் கடந்தாண்டு டுண்டுகல் விமானப்படை அகாடமியில் கிரண் மற்றும் பைலேடஸ் போர் விமானங்களில் பயிற்சி பெற்றனர்.

பெண் போர் விமானிகள் மூவரும் சூப்பர்சோனிக் விமானங்களில் பறக்கும் பயிற்சி பெறுவதற்கு முன்னதாக ஹாக் விமானப்படை தளத்தில் தங்களது பயிற்சியை முடித்திருந்தனர்.

பின்னர், கடந்தாண்டு ஜூன் மாதம், போர் விமானங்களை இயக்கும் முதல் பெண் விமானிகள் மூவரும் மத்திய பாதுகாப்பு துறை அமைச்சர் மனோகர் பாரிக்கர் முன்னிலையில் பொறுபேற்றுக் கொண்டனர்.

இதன்பின்னர் மேலும் ஓராண்டு நவீன பயிற்சி அளிக்கப்பட்டு, அடுத்த ஆண்டு ஜூன் மாதம் அவர்கள் போர் விமானங்களில் நேரடியாக ஈடுபடுத்தப்படுவார்கள் என்று விமானப்படை அதிகாரிகள் தெரிவித்த நிலையில், கடந்த சனியன்று தங்களது அனைத்து பயிற்சிகளையும் வெற்றிகரமாக முடித்துள்ளதாக செய்திகள் வந்தன.
.
கடந்த 1991ஆம் ஆண்டு முதன் முதலாக இந்திய விமானப்படையில் பெண் விமானிகள் சேர்த்துக் கொள்ளப்பட்டனர். இதுவரை ஹெலிகாப்டர் மற்றும் போக்குவரத்து விமானங்களை மட்டுமே பெண் விமானிகள் இயக்கி வந்த நிலையில், தற்போது போர் விமானங்களை இயக்கம் பயிற்சியில் பெண்கள் ஈடுபடுத்தப்பட்டுள்ளனர்.

தற்போது இந்திய விமானப்படையில் இருக்கும் 1,500 பெண் ஊழியர்களில் 94 பேர் விமானிகளாகவும், 14 பேர் கடல் மார்க்க கண்காணிப்பு விமானிகளாகவும் பணியாற்றி வருகின்றனர். இதுதவிர, இந்திய விமானப்படையின் நிர்வாகம், கணக்கியல், தளவாடங்கள், வானிலை ஆய்வு, எந்திரவியல் மற்றும் மின்னணுவியல் உள்ளிட்ட பல்வேறு துறைகளில் பெண்கள் பணிபுரிந்து வருகின்றனர்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit