வாட்ஸ் அப் பிரச்சாரத்தை தொடங்கிய ஸ்டாலின்

பிறப்பு : - இறப்பு :

ஆர்.கே.நகர் இடைத்தேர்தலுக்கான பிரச்சாரத்தை வாட்ஸ் அப் மூலம் தொடங்கியுள்ளார் திமுக செயல் தலைவர் மு.க.ஸ்டாலின்.

சென்னையில் உள்ள ஆர்.கே.நகர் தொகுதிக்கு சட்டப்பேரவை இடைத்தேர்தல் வரும் டிசம்பர் 21ஆம் நடைபெற உள்ளது. கடந்த முறை ஆர்.கே.நகரில் இடைத்தேர்தல் அறிவிக்கப்பட்டு பணப்பட்டுவாடா காரணமாக ரத்துசெய்யப்பட்டதைக் கருத்தில் கொண்டு தேர்தல் ஆணையம் பல்வேறு முன்னெச்சரிக்கை நடவடிக்கையை மேற்கொண்டிருக்கிறது.

இருப்பினும் இந்த ஆண்டும் பணப்பட்டுவாடா சூடுபிடித்துள்ளது. சனிக்கிழமை ஒரே நாளில் ஆளுங்கட்சி சார்பில் 100 கோடி ரூபாய் பணப்பட்டுவாடா செய்யப்பட்டுவிட்டது என்றும் அதிமுக படுத்து உருண்டு குட்டிகரணம் அடித்தாலும் டெபாசிட் வாங்கப்போவதில்லை என்றும் திமுக செயல் தலைவர் மு.க.ஸ்டாலின் தெரிவித்துள்ளார்.

திமுக வேட்பாளர் மருது கணேஷை ஆதரித்து மூன்று நாட்கள் பிரச்சாரம் மேற்கொள்ள இருக்கும் அவர், வாட்ஸ் அப் மூலமாகவே தன் பிரச்சாரத்தை ஆரம்பித்துவிட்டார். “மருது கணேஷ் கொளத்தூர் செல்லப்பிள்ளை. ஆனால், ஆர்.கே.நகரின் வளர்ப்புப் பிள்ளையாக கருதி வளர்ச்சி பணிகளை மேற்கொள்வார். அனைத்து நிலைகளிலும் தமிழகம் பின்தங்கியுள்ளது. மாநிலத்தின் உரிமைகளை ஒவ்வொன்றாக மாநில அரசு இழந்து வருகிறது. அரசை மாற்றுவதற்கான தொடக்க புள்ளியாக ஆர்.கே.நகர் இடைத்தேர்தல் அமையட்டும்.” என்று ஸ்டாலின் பேசும் வீடியோ தற்போது வாட்ஸ் அப் மூலம் பரவி வருகிறது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit