திருச்செந்தூரைத் தொடர்ந்து திருவண்ணாமலையிலும் சுவர் இடிந்து விபத்து: 2 பேர் பலி

பிறப்பு : - இறப்பு :

திருச்செந்தூரைத் தொடர்ந்து திருவண்ணாமலையிலும் ரமணர் ஆசிரமத்தின் சுற்றுச்சுவர் இடிந்து விழுந்து விபத்துக்குள்ளானதில் 2 பேர் பலியாகியுள்ளனர்.

திருவண்ணாமலையில், ரமணர் ஆசிரமம் அருகில் கால்வாய் அமைக்கும் பணி நடந்து வருகிறது. இதில், திருவண்ணாமலையைச் சேர்ந்த குமரேசன் (25), ராஜேஷ் மற்றும் காதர் ஆகியோர் ஈடுபட்டிருந்தனர். இந்த நிலையில், ரமணர் ஆசிரமத்தின் சுற்றுச்சுவர் அருகில் பள்ளம் தோண்டப்பட்டுள்ளது. அப்போது, திடீரென்று ஆசிரமத்தின் சுற்றுச்சுவர் சரிந்து விழுந்துள்ளது. இதில், கால்வாய் அமைக்கும் பணியில் ஈடுபட்டிருந்த தொழிலாளர்கள் மீது விழ, குமரேசன் என்பவர் சம்பவ இடத்திலேயே பரிதாபமாக உயிரிழந்துள்ளார்.

இதையடுத்து, ஜேசிபி உதவியுடன் இடிபாடுகளில் சிக்கிய மற்ற இருவரும் திருவண்ணாமலை அரசு மருத்துவமனையில் சேர்க்கப்பட்டுள்ளனர். இதில், காதர் சிகிச்சை பலனின்றி பரிதாபமாக உயிரிழந்துள்ளார். இந்த விபத்து குறித்து மாவட்ட காவல்துறை கண்காணிப்பாளர் பொன்னி நேரில் சென்று ஆய்வு மேற்கொண்டு வருகிறார். இதற்கு முன்னதாக திருச்செந்தூர் முருகன் கோயிலில் வள்ளி குகை அருகே பிரகார மண்டபம் இடிந்ததில் பெண் உட்பட 3 பேர் பலியாகியுள்ளனர் என்பது குறிப்பிடத்தக்கது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit