3 மாதகுழந்தையின் வயிற்றுக்குள் இருந்த மற்றொரு குழந்தை

பிறப்பு : - இறப்பு :

பீகாரில் 3 மாத குழந்தையின் வயிற்றுக்குள் 1 கிலோ எடை கொண்ட குழந்தை வளர்ந்ததை மருத்துவர்கள் கண்டறிந்துள்ளனர்.

பீகார் மாநிலத்தைச் சேர்ந்த ரஞ்சுபாலா மற்றும் சத்யேந்திர யாதவ் தம்பதிக்கு 3 மாதத்திற்கு முன் பெண் குழந்தை பிறந்தது.

நாளடைவில் குழந்தையின் வயிறு வீங்க தொடங்கியதில் அருகில் உள்ள மருத்துவரிடம் காட்டியதில், சிறுநீர் பிரச்னையால் இதுபோல் குழந்தையின் வயிறு வீங்குகிறது என்று தெரிவித்துள்ளார்.

ஆனால், நாளுக்கு நாள் வீக்கம் அதிகரித்ததால், உத்தரப் பிரதேசத்தில் உள்ள பனாரஸ் ஹிந்து மருத்துவ பல்கலைக்கழக மருத்துவமனைக்கு கொண்டு சென்றனர்.

குழந்தையை பரிசோதித்த மருத்துவர்கள், குழந்தையின் வயிற்றில் 1 கிலோ எடை உள்ள ஒட்டுண்ணி இரட்டைக் குழந்தை (parasitic twin) உள்ளதை கண்டுபிடித்தனர்.

அதாவது, தாயின் கருவறையில் இரட்டைக் குழந்தைகள் உருவாகும் போது தனித்தனியாக இரு கருப்பைகள் இல்லாமல் இருந்தால், இதுபோல நடக்கும். ஒரே கருப்பையில் வளரும் போது ஒரு குழந்தை ஆதிக்கம் (Dominate) செலுத்தி வேகமாக வளரும், மற்றொரு குழந்தை ஆதிக்கம் செலுத்தும் குழந்தையுடன் ஒட்டிக் கொண்டு, ஊட்டச்சத்துக்களை பெற்று வளரத் துவங்கும்.

பொதுவாக இதுபோன்ற சூழ்நிலையில் அரைகுறையாக வளரும் குழந்தை, முழுமையாக வளரும் குழந்தையின் உடலின் வெளிபுறம் கை, கால்கள் உள்ளிட்ட உறுப்புகளாக ஒட்டிக்கொண்டு இருக்கும். ஆனால், மிகவும் அரிதாக, நன்கு வளர்ந்த குழந்தையின் வயிற்றுக்குள் வளரும்.

மருத்துவம் வளர்ந்த பிறகு உலகில் இதுவரை இதுபோல 200 குழந்தைகளுக்கு மட்டுமே நிகழ்ந்துள்ளது.

மருத்துவர்கள் அந்தக் குழந்தையின் வயிற்றில் இருந்த ஒட்டுண்ணி இரட்டையை வெற்றிகரமாக அறுவை சிகிச்சை மூலம் வெளியே எடுத்துள்ளனர்.

ஒட்டுண்ணி இரட்டையின் உடல் பாகங்கள் மட்டுமே வயிற்றில் இருந்தன.

தற்போது குழந்தை நன்றாக உள்ளதாக அறுவை சிகிச்சை செய்த மருத்துவர் ஷர்மா கூறியுள்ளார்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit