கோவிலில் காணாமல் போன நகைகள் கிணற்றில் இருப்பதாக கூறிய சாமியாடி.!

Asia Cup 2018 Live Streaming

பிறப்பு : - இறப்பு :

well4724

சேலம் அருகே கோவிலில் இருந்து கொள்ளைபோன நகைகள் 60 அடி ஆழ கிணற்றில் இருப்பதாக, சாமியாடிய கூறிய காரணத்தால், கிணற்றில் உள்ள நீரை வெளியேற்றும் முயற்சியில் கிராமமக்கள் ஈடுபட்டுள்ளனர்.

சேலம் மாவட்டம் ஓமலூரை அடுத்த பொட்டியபுரம் ஊராட்சி சட்டூர் கிராமத்தில் உள்ளது துர்காளியம்மன் கோவில். கடந்த 2ஆம் தேதி, இந்த கோவிலில், சாமிசிலைக்கு அணிவிக்கப்பட்டிருந்த தங்கத்தாலி, சங்கிலி உள்ளிட்ட நான்கரை சவரன் தங்கநகைகள், மற்றும் 3 கிலோ வெள்ளி பொருட்கள் காணாமல் போனது. போலீசார், இதுகுறித்து வழக்குப் பதிவு செய்து, கொள்ளையர்களை தேடி வருகின்றனர்.

இந்நிலையில் நேற்று காலை பொட்டியபுரம் கிராமத்திற்கு வந்த தர்மபுரி மாவட்டம் கரியாம்பட்டியைச் சேர்ந்த மாரிமுத்து என்பவர், துர்காளியம்மன் கோவில் முன்பு சாமியாடினார். பின்னர் அருள்வாக்கு கூறிய அவர், கோவிலில் கொள்ளை போன நகைகள், அதே கிராமத்தில் உள்ள ஒரு விவசாய கிணற்றில் கிடப்பதாகவும், காளியம்மன் தனது கனவில் வந்து கூறியதாகவும் வாக்கு கூறினார்.

சாமியாடியின் வாக்கைக் கேட்ட கிராம மக்கள், கோவிலில் இருந்து சுமார் அரை கிலோ மீட்டர் தொலைவில் கிணற்றில் 4 மின் மோட்டார்களின் உதவியுடன் தண்ணீரை வெளியேற்றி வருகின்றனர். கிணற்றில் 50 அடி வரை தண்ணீர் இருக்கும் நிலையில், தண்ணீரை வெளியேற்றினால் தான் நகைகள் கிடைக்கும் என்பதால் தண்ணீரை வெளியேற்றும் முயற்சியில் தொடர்ந்து ஈடுபட்டு வருகின்றனர்.

சாமியாடியின் வாக்கை கேட்டு, நகைகளை மீட்கும் முயற்சியில், கிணற்றில் உள்ள நீரை வெளியேற்ற ஒரு கிராமமே ஒன்றுகூடிய சம்பவம் அப்பகுதி மக்களிடையே ஆச்சரியத்தை ஏற்படுத்தியுள்ளது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit