ஒரு உடலில் இரண்டு இதயங்கள்;சென்னை மருத்துவர்கள் சாதனை.!

Asia Cup 2018 Live Streaming

பிறப்பு : - இறப்பு :

surgery

ஒரு உடலில் இரண்டு இதயங்கள்;சென்னை மருத்துவர்கள் சாதனை.!
சென்னையைச் சேர்ந்த மருத்துவர்கள், ஒரு உடலில் இரண்டு இதயங்களை பொருத்தி, புதியமுறையிலான இதய மாற்று அறுவை சிகிச்சையை கண்டுபிடித்துள்ளனர்.

இடது வெர்டிகுலர் கருவி.!
இதயமாற்று அறுவை சிகிச்சை செய்துகொள்ள வேண்டிய நோயாளிகள், வேறு உறுப்புகளின் பாதிப்பால் அறுவை சிகிச்சை செய்ய முடியாத நிலை இருந்தது. அப்படிப்பட்ட பலவீனமான இதயம் கொண்ட நோயாளிகளுக்கு உதவும் வகையில், இடது வெர்டிகுலர் கருவி ஒன்று பொருத்தப்படும்.

ஆனால் இந்த கருவியின் விலை ஒரு கோடி ரூபாயை தாண்டும் என்பதால் ஏழை எளிய மக்களால் அறுவை சிகிச்சை செய்ய முடியாத நிலை இருந்தது. இதைத் தவிர்ப்பதற்காக, பலவீனமான இதயத்துக்கு உதவும் வகையில், மற்றொரு இதயத்தைப் பொருத்தும் புதிய அறுவை சிகிச்சை முறையை சென்னையைச் சேர்ந்த மருத்துவர்கள் கண்டிபிடித்துள்ளனர்.
நாயை வைத்து சோதனை.!

முதலில் சோதனை முறையாக நோய்வாய்ப்பட்ட நாய் ஒன்றின் உடலில் இரண்டாவது இதயத்தைப் பொருத்தியுள்ளனர். நாயின் வயிற்றில் வைக்கப்பட்ட இரண்டாவது இதயம் அதன் இயற்கையான முதல் இதயத்துக்குப் பக்கபலமாக செயல்பட்டிருக்கிறது. முதல் இதயம் செயலிழந்த பிறகும் இரண்டாவது இதயம் 48 மணி நேரத்துக்கு இயங்கி நாயின் உயிரைக் காப்பாற்றியிருக்கிறது. வயிற்றில் இரண்டாவது இதயத்தைப் பொருத்துவதால் அறுவை சிகிச்சையில் ஏற்படும் ஆபத்தும் குறைகிறது.

இவ்வாறு இரண்டாவதாகப் பொருத்தப்படும் இதயத்தின் ரத்த சுழற்சி செயல்திறன் குறைந்தபட்சம் 30 சதவிகிதம் இருக்க வேண்டும். அப்படி இல்லாதபோது அந்த இதயத்தைப் பொருத்துவதைத் தவிர்த்துவிடுவோம் என மருத்துவர்கள் தெரிவிக்கின்றனர். இதுபற்றி மேலும் சோதனை நடத்தப்போவதாகவும் தனியார் மருத்துவமனை மருத்துவர் செரியன் தெரிவித்துள்ளார்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit