நடுக்கடலில் சிக்கிய தமிழக, கேரள மீனவர்கள்; பல்வேறு மாநிலங்களில் தஞ்சம்!

பிறப்பு : - இறப்பு :

ஒகி புயல் பாதிப்பில் சிக்கிக் கொண்ட மீனவர்கள், கடற்படை மூலம் மீட்கப்பட்டு பல்வேறு மாநிலங்களில் தஞ்சமடைந்துள்ளனர்.

கன்னியாகுமரி அருகே உள்ள கடல் பகுதியில் உருவான ‘ஒகி’ புயல் காரணமாக, பலத்த சூறைக்காற்றுடன் மழை பெய்தது. இதனால் கடலுக்கு மீன்பிடிக்கச் சென்ற தமிழகம் மற்றும் கேரளாவைச் சேர்ந்த மீனவர்கள் மாயமாகினர்.

அவர்களைத் தேடும் பணியில் விமானப்படை, கடலோர காவல்படை, கப்பற்படை தீவிரமாக ஈடுபட்டது. கடலின் பல்வேறு பகுதிகளில் சிக்கித் தவித்த மீனவர்கள் மீட்கப்பட்டு வருகின்றனர்.

ஆனால் அவர் குறித்த அதிகாரப்பூர்வ தகவல் வெளியிடப்படாததால், மீனவர்களின் உறவினர்கள் மிகுந்த கவலையில் உள்ளனர். மாயமான மீனவர்களை மீட்டு, பாதுகாப்பாக கொண்டு வருமாறு தொடர் போராட்டத்தில் ஈடுபட்டுள்ளனர்.

இந்நிலையில் நடுக்கடலில் சிக்கித் தவித்த 89 படகுகளில் பயணித்த தமிழக, கேரளாவைச் சேர்ந்த 1,154 மீனவர்கள் பல்வேறு மாநிலங்களில் தஞ்சமடைந்துள்ளதாக மத்திய பாதுகாப்புத் துறை அமைச்சகம் தெரிவித்துள்ளது.

இவர்கள் கோவா, கர்நாடகம், மகாராஷ்டிரா, லட்சத் தீவுகளில் தஞ்சமடைந்துள்ளதாக மத்திய பாதுகாப்பு அமைச்சக டிவிட்டரில் குறிப்பிடப்பட்டுள்ளது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit