லாரி கேபினில் ‘ஏசி’ கட்டாயம்; சீக்கிரம் வச்சிருங்க; இல்லனா விண்ணைத் தொடும் அபராதம்!

Asia Cup 2018 Live Streaming

பிறப்பு : - இறப்பு :

lorry-strike1

டெல்லி: லாரி கேபினில் ஏசி கட்டாயமாக இருக்க வேண்டும் என்று உத்தரவிடப்பட்டுள்ளது.

இதுதொடர்பாக மத்திய தரைவழி போக்குவரத்துத் துறை வெளியிட்டுள்ள அறிக்கையில், புதிய லாரிகளில் உள்ள கேபினில் கட்டாயம் ஏசி இடம்பெற வேண்டும். இது வரும் ஜனவரி ஒன்றாம் தேதி முதல் இருந்தால் மட்டுமே, பதிவு செய்யப்படும்.

சாலை விபத்துகளால் உயிரிழப்புகள் அதிகரித்து வருகின்றன. இதில் தமிழகம் 2ஆம் இடத்தில் உள்ளது. எனவே விபத்துகளை குறைக்க, மத்திய, மாநில அரசுகளுக்கு வழிகாட்டு நெறிமுறைகளை உச்சநீதிமன்றம் அளித்துள்ளது.

இவை படிப்படியாக அமல்படுத்தப்பட்டு வருகின்றன. அதன்படி, அதிக தூரம் செல்லும் கனரக வாகனங்கள், லாரிகளால் விபத்து ஏற்பட்டால், அதற்கு ஓட்டுநர்களுக்கு போதிய ஓய்வு இல்லாததே காரணம் ஆகும்.

லாரி டிரைவர்களின் சோர்வை குறைக்கும் வகையிலும், லாரி இன்ஜின்களின் வெப்பத்தை, ஓட்டுநர்களின் உடல் தாங்கும் வகையிலும், புதிதாக பதிவு செய்யப்படும் லாரி கேபின்களில் ஏசி மற்றும் மின் விசிறி கட்டாயம் இருக்க வேண்டும்.

இது ஜனவரி ஒன்று முதல் கட்டாயம் என்று மத்திய அரசு தெரிவித்துள்ளது. ஆனால் ஏசி மற்றும் மின் விசிறி பொருத்துவதால், உரிமையாளருக்கு, ரூ.50,000 முதல் ரூ.1.20 லட்சம் வரை கூடுதல் செலவு ஏற்படும்.

இது தொழிலை கடுமையாக பாதிக்கும் என்று கூறி, மத்திய அரசு உத்தரவை மறுபரிசீலனை செய்ய வேண்டும் என, லாரி உரிமையாளர்கள் சம்மேளனம் கோரிக்கை விடுத்துள்ளது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit