பல்மைராவை புதுசாக்கிய ரஷ்யா: சிரியாவுக்கு பரிசு!

பிறப்பு : - இறப்பு :

ஐஎஸ் பயங்கரவாதிகளின் பிடியில் சிக்கி நாசமைந்த சிரியாவின் பாரம்பரிய நகரமான பல்மைராவின் 3டி படத்தை ரஷ்ய உருவாக்கியுள்ளது.

சிரியாவின் பழமை வாய்ந்த நகரமான பல்மைரா 2015ஆம் ஆண்டு மே மாதம் ஐ.எஸ். பயங்கரவாதிகளால் கைப்பற்றப்பட்டது. இந்த நகரம் சிரியாவின் பல பாரம்பரய சின்னங்களைக் கொண்டதாகும். இதனைக் ஆக்கிரமித்த ஐ.எஸ். பயங்கரவாதிகள் நகரில் இருந்த பல கட்டிடங்களை சிதைத்து நாசம் செய்தனர்.

இந்த நகரை மீட்க கடுமையாகப் போராடிய சிரிய ராணுவம் ரஷ்ய ராணுவத்தின் வான்வழித் தாக்குதலின் உதவியைப் பெற்றது. இரு முனைத் தாக்குதலைத் தாக்குப்பிடிக்காத ஐ.எஸ்.பயங்கரவாதிகள் 2016ஆம் ஆண்டு மார்ச் மாத இறுதியில் பல்மைராவை விட்டு ஓடினர்.

யுனெஸ்கோவின் தொல்லியல் நகர அங்கீகராம் பெற்ற உலகப் புகழ்பெற்ற நகரமான இதனை மீண்டும் புனரமைக்க சிரியா முயற்சித்து வருகிறது. இந்நிலையில், ரஷ்ய அரசு பல்மைராவின் 3டி வடிவத்தை தயாரித்து அசத்தியுள்ளது.

ரஷ்யாவின் 3டி வடிவமைப்பில் இடிந்து நாசமான பல்மைரா கட்டிடங்கள் புதுப்பொலிவுடன் தோன்றுகின்றன. 1000க்கும் அதிகமான சாட்டிலைட் படங்களின் உதவியுடன் ரஷ்யா இந்த 3டி படத்தை தயாரித்துள்ளது. இதனை சிரியாவுக்கு பரிசாக அளிக்க உள்ளது.

இதன் மூலம் சிரிய பாரம்பரயத்தை நிலைநாட்ட ரஷ்ய துணை நிற்பதை பறைசாற்றுவதாக அந்நாட்டு அரசு அதிகாரிகள் தெரிவிக்கின்றனர்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit