இதுக்கு மேல இட ஒதுக்கீடு கிடையாது: உச்சநீதிமன்றம்

பிறப்பு : - இறப்பு :

இட ஒதுக்கீடு 50 சதவீதத்தைக் கடப்பதற்கு அனுமதி அளிக்க முடியாது என்று உச்சநீதிமன்றம் தெரிவித்துள்ளது.

ராஜஸ்தான் மாநில மழைக்கால சட்டப்பேரவைக் கூட்டத்தொடரில் கல்வி மற்றும் வேலை வாய்ப்பில் இட ஒதுக்கீடு சதவீதத்தில் மாற்றம் செய்யும் மசோதா நிறைவேற்றப்பட்டது.

தற்போது அம்மாநிலத்தில் உள்ள இட ஒதுக்கீடு விகதம் 49 சதவீதம். ஒரு மாநிலத்தின் அதிகபட்ச இட ஒதுக்கீடு 50 சதவீதம் வரை மட்டுமே இருக்கலாம். எனவே, அம்மாநில அரசின் புதிய மசோதாவில் கூடுதல் இட ஒதுக்கீடு அளிக்கப்படுகிறது. இதனால், மொத்த இட ஒதுக்கீடு 50 சதவீதத்தைக் கடக்கும்.

மாநில அரசின் மசோதாவின் படி இதர பிற்படுத்தப்பட்டோர் பிரிவில் குஜ்ஜார் இனத்தவர்களுக்கு 5 சதவீதம் இட ஒதுக்கீடு வழங்கப்படும் என்று கூறப்பட்டுள்ளது. இதன் மூலம் அம்மாநிலத்தில் இதர பிற்படுத்தப்பட்டோருக்கான இட ஒதுக்கீடு 29 சதவீதம் ஆகிறது. மேலும், மொத்த இட ஒதுக்கீடு 54 சதவீதம் ஆகிவிடும்.

இதனை எதிர்த்து ஏற்கெனவே ராஜஸ்தான் உயர்நீதிமன்றத்தில் வழக்கு தொடரப்பட்டது. இதில், மாநில அரசின் புதிய கூடுதல் இட ஒதுக்கீடுக்கு இடைக்காலத் தடை விதிக்கப்பட்டுள்ளது. இந்நிலையில், உச்சநீதிமன்றத்தில் மாநில அரசு தரப்பில் மேல்முறையீடு செய்யப்பட்டது.

இந்த வழக்கை நவம்பர் 13 தேதி விசாரித்த உச்சநீதிமன்றம், ராஜஸ்தான் அரசு புதிதாக அறிவித்துள்ள இட ஒதுக்கீட்டை அமல்படுத்தினால் மொத்த இட ஒதுக்கீடு 50 சதவீதத்தைக் கடக்கும். எனவே, இப்போதைக்கு புதிய இட ஒதுக்கீட்டை அனுமதிக்க முடியாது. மாநில அரசு உயர்நீதிமன்றம் அளிக்கும் இறுதித் தீர்ப்புக்குக் காத்திருக்க வேண்டும் என்று அறிவுறுத்தியுள்ளது.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit