செம்மரக் கட்டை கடத்துபவர்க்ள மீது துப்பாக்கி சூடு நடத்த உத்தரவு!!

பிறப்பு : - இறப்பு :

ஆந்திர மாநிலம் சேஷாசல வனப் பகுதிக்குள் அத்துமீறி நுழைபவர்களை கண்டதும் சுடுவதற்கு உத்தரவு பிறப்பிக்கப்பட்டு இருப்பதாக செம்மரக் கடத்தல் தடுப்பு பிரிவு ஐ.ஜி. காந்தா ராவ் தெரிவித்துள்ளார்.

இதுகுறித்து திருப்பதியில் செய்தியாளர்களுக்கு அவர் அளித்த பேட்டியில் கூறியதாவது:

திருப்பதி அருகில் உள்ள சேஷாசல வனப் பகுதிக்குள் கடந்த திங்கள் கிழமை இரவு சிலர் துப்பாக்கி மற்றும் செம்மரக் கட்டைகளுடன் சுற்றித் திரிந்துள்ளனர். ரோந்தில் ஈடுபட்டிருந்த போலீசாரைப் பார்த்தவுடன் அவர்கள் தப்பி ஓடியுள்ளனர். அவர்களை சுற்றி வளைத்த போலீசார் அவர்களிடமிருந்து ரூ. 10 லட்சம் மதிப்புள்ள செம்மரக் கட்டைகள் மற்றும் நாட்டுத் துப்பாக்கிகளை பறிமுதல் செய்தனர்.

விசாரணையில் அவர்கள் இருவரும் ஹரி (32), ராஜசேகர் (23) என்பதும், தமிழ்நாட்டைச் சேர்ந்தவர்கள் என்பதும் தெரிய வந்துள்ளது. தமிழகத்தில் இருந்து செம்மரக் கட்டைகள் வெட்ட வருபவர்களிடம் இருந்து செம்மரக் கட்டைகளை இவர்கள் பறித்துச் செல்கின்றனர். எங்களுக்கு கிடைத்த தகவலின் பேரில் அவர்களுக்கு நாட்டு துப்பாக்கிகளை கொடுத்த ஆந்திர மாநிலத்தைச் சேர்ந்த ராஜநாலா, வேலூர் மாவட்டம் குடியாத்தம் தட்டாபுரம் பகுதியைச் சேர்ந்த மாணிக்கம் ஆகியோர் கைது செய்யப்பட்டனர்.

மேலும் கர்நாடகா மாநிலத்தைச் சேர்ந்த 3 பேரும் கைது செய்யப்பட்டுள்ளனர். செம்மரக்கட்டை கடத்தல்காரர்கள் துப்பாக்கிகள் மற்றும் தோட்டாக்களுடன் திரிவதால், ரோந்து போலீசாருக்கு பாதுகாப்பு இல்லாத நிலை ஏற்பட்டுள்ளது. ஆதலால், அத்துமீறி காட்டுக்குள் நுழைபவர்களை கண்டதும் சுட உத்தரவு பிறப்பிக்கப்பட்டுள்ளது” என்றார்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit