வில்லன் பட போஸ்டரை வெளியிடும் நாயகி

பிறப்பு : - இறப்பு :

வில்லன் பட போஸ்டரை நாயகி ஒருவர் வெளியிடவிருக்கிறார். அந்த வில்லன் யார்? நாயகி யார்? என்பதை கீழே பார்ப்போம்…

அஜித் நடிப்பில் வெளிவந்த ‘என்னை அறிந்தால்’ படத்தில் கதாநாயகியாக நடித்தவர் திரிஷா. அதேபடத்தில் வில்லனாக நடித்தவர் அருண் விஜய். இவர்கள் இருவரும் அந்த படத்தில் இருந்து நெருங்கிய நண்பர்களாகிவிட்டனர். இந்நிலையில், அருண்விஜய் தற்போது நடித்து வரும் ‘குற்றம் 23’ படத்தின் போஸ்டரை திரிஷா வெளியிடவுள்ளாராம்.

இன்று மாலை 4.30 மணியளவில் திரிஷா இப்படத்தின் போஸ்டரை வெளியிடவிருக்கிறார். மெடிக்கல் கிரைம் திரில்லராக உருவாகும் இப்படத்தில் அருண்விஜய் முதன்முறையாக போலீசாக நடித்திருக்கிறார். இந்த கதாபாத்திரத்திற்காக தனது போலீஸ் நண்பருடன் சேர்ந்து பயிற்சி எடுத்து நடித்திருக்கிறாராம் அருண் விஜய்.

இப்படத்தின் புகைப்படங்கள் ஏற்கெனவே நிறைய வெளியாகியிருந்தாலும், அருண் விஜய் போலீஸ் கெட்டப்பில் உள்ள புகைப்படங்கள் இதுவரை வெளியாகவில்லை. இன்று வெளியாகும் போஸ்டரில் அந்த கெட்டப்பில் அருண் விஜய் இருப்பார் என்று தோன்றுகிறது.

இப்படத்தை ‘ஈரம்’, ‘வல்லினம்’ ஆகிய படங்களை இயக்கிய அறிவழகன் இயக்கியிருக்கிறார். மகிமா நம்பியார் ஹீரோயினாக நடிக்கிறார். இப்படத்தை தனது சொந்த நிறுவனமான இன் சினிமாஸ் என்டர்டெயின்மென்ட் மூலம் தயாரிக்கிறார் அருண் விஜய். விஷால் சந்திரசேகர் இசையமைத்துள்ளார்.

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit