எரிகின்ற உடலங்களும் அழுகின்ற உயிர்களும் “முனை மழுங்கா முள்ளிவாய்க்கால்” (VIDEO)

Asia Cup 2018 Live Streaming

பிறப்பு : - இறப்பு :

kavithayini

கதிரவனும் குருதியில் குளிக்க
மேகமகள் எரி புகையில் மூச்சுத்திணற
குற்றுயிரும் வெற்றுடலுமாக
எண்ணிக்கையைத்
தாண்டிய
ஈழத்தமிழர்கள்

எட்டுத்திசை நாட்டவனும்
எட்டியும் பார்க்கவில்லை
ஏனென்றும் கேட்கவில்லை
ஏனென்றால்
ஏறுக்குநிகரான
வீரத்தமிழன்
ஈழத்தமிழன் என்றோ

கூக்குரலிட்ட மனிதங்கள்
குரல் கேட்க
எந்தக்கடவுளுக்கும்
காதில்லை

அன்று காட்டேரிகள்
பிணம் புசிக்க
சில
எட்டப்பன்களும்
காரணந்தான்

kavithayini

எரிகின்ற உடலங்களும்
அழுகின்ற உயிர்களும்
தேடுகின்ற விழிகளும்
ஏங்குகின்ற உறவுகளும்
எத்தனையோஎத்தனை

தவித்தவாய்க்குத்
தண்ணீர்கொடுக்காத
இனமா
என்னினம்?

இல்லைஇல்லை
தாரைவார்த்துஅல்லவா
தனது மொழியை
கொடுத்தது
தாரைவார்த்தல்லவா தன் தாய்நாட்டை கொடுத்தது
தாரைவார்த்து அல்லவா
நாளும் உயிரைகொடுக்குது

ஆனால்
தாய்ப்பாலுக்கு அழும் குழந்தை
உயிர்பிரிய தவிக்கும் தாகம்
உயிரைத்தக்கவைக்க தடுமாறும்
கொடூரம்

எதுக்குமில்லையே ஒரு வரம்

வரமாக வாழும் என் இனம்
வரம்கேட்டு கெஞ்சுகிறதையா
வளமான தனது தாயகத்துக்காக
வழியற்றுப்போனதையா
வல்லரசுநாடுகளில் வன்மத்தால்

புலம்பெயர்ந்த உறவுகளின்புலம்பல்
ஐரோப்பா முழுதும்
அலைமோத

புரியாத மொழிக்காரனும்
புகைத்த உடலங்களுக்கு பூவைத்து ஒளியேற்றுகிறான்

புதைத்த உடலங்கள்

எரித்த உடலங்கள்
தொலைத்த உறவுகள்
தொலைந்த உறவுகள்

இன்றும் புதிராகவுள்ளது
புலம்பலும் புத்துயிராக வாழ்கிறது!!

-கவிதாயினி.வாணமதி (எழுத்தாளர்)

http://www.kathiravan.com/?page_id=1302

Leave a Reply

Your email address will not be published. Required fields are marked *

*

Share with your friends










Submit